МахIачкъалалив Дагъусттаннал паччахIлугърал университетраву «Точка кипения» площадкалий хьунни Дунияллул халкьуннал дянивсса оьрчIал экологиялул «Экология – дело каждого» цIанилусса премиялул презентация.
Ва хъанахъиссар Росприроднадзорданул премия. Ванил лагрулий кIицI лагайссар, хIисаврайн ласайссар тIабиаьтрайн, ва дуруччаврийн, экологиялийн, экокультура машгьур даврийн дагьайсса итталун дагьансса проектру ва сиптарду.
Проектрал презентациялий гьуртту хьунни Росприроднадзорданул Ухссавнил Ккавкказуллал управлениялул вакилтал Марина Кочеткова ва Светлана Фирсова.
Ва кьинисса батIаврий хьусса ихтилатру бия ва премиялиясса, ваний гьуртту хьуншиврул ци шартIру щаллу дуван аьркинссарив бусласисса, оьрчIал ва жагьилтурал экологиялул сиптардайн багьлагьисса.
Премиялул лагрулий дулун ккаккан дурну дур хъин-хъинсса бахшишру, циняв гьурттучитуран – грамотарду, вай хIадур буллай бивкIминнан – Барчаллагьру. Премиялул лагрулий ххув хьуминнан тIурчан ккаккан бувну бур Аьрасатнал хьхьичIунсса 150 вузравун буххайсса чIумалсса грантру, бюджетрал кIанттурду ва ЕГЭ-рдайнсса ялунсса баллу, ЛухIи хьхьирил зуманицIунсса путевкарду ва чIярусса цаймигу бахшишру.
Бадрижамал Аьлиева
