Дагъусттаннал УИС-рал идарарттаву хьунни нузру тIиртIусса кьинирду. Дуснакь бувминнан шинай ккаккан дурсса гъан-маччанащалсса 4 свиданиялул ялун му ца ххишаласса хьунабакьав хъанай дур. Ва хьунабакьавугу дуснакь бувминнал цалва захIматрайну, низамрайн мютIишиврийну лайкь дурну дур.
Нузру тIиртIусса кьини кулпатирттащал, гъан-маччанащал хьунабавкьунни 2-мур СИЗО-лул хозяйствалуву ва лагерьданий къуллугъ буллалисса отрядравасса 15 инсан, микссава 4-мур ЛИУ-ва ва цаппарасса инсантал 1-мур ва 2-мур изолятордаву щябивкIминнава.
Цинярда идарарттай дуснакь бувминначIан бувкIсса гъан-маччанащал дунни идаралувусса низам ва шиву занакьулу бикIан аьркинсса куц бувчIин буллалисса инструктаж. Хъирив хъамаллуран ккаккан дунни отрядирттавусса шартIру. Вайннан цала яруннин ккавккунни дуснакьравуми гьарица аьркинмунил дузалну бушиву, миннан зунсса ва бигьалагансса шартIру душиву.
