Дагъусттаннай ишбажаранчитурал ихтиярду дуручлачисса вакил Заур Кьурбанов ивунни 2-мур исправительный колониялийн.

Шикку Заур Кьурбановлул хьхьичIва-хьхьичI ихтилат бунни колониялул каялувчитуращал. 2-мур ИК-лул хъунаманал хъиривчу, виваллил службалул подполковник НурмахIаммад Магьдиловлул бувсунни колониялул оьрмулия, шиккусса производствалия, дуки-хIачIиялул дузалшиннарая ва медициналул кумаграя. УИС-рал идарарттай инсаннал ихтиярду дуруччаврил ялув авцIусса управлениялул хъунаманал кумагчи, виваллил службалул подполковник Рашид Зайнулаьбидовлущал, 2-мур ИК-лул хъунаманал хъиривчу НурмахIаммад Магьдиловлущал, Дагъусттаннал УФСИН-лул спецконтингент давурттал дузал бавриха зузисса отделданул хъунама, виваллил службалул майор Аьбдулхак Аьбдулхаковлущал Заур Кьурбанов ивунни идаралул промышленный зоналийн, ххал бунни янна дуруххайсса, тIаннул ва муххал давурттив дайсса цехру.
Аьбдулхак Аьбдулхаковлул бувсунни Заур Кьурбановлухь идаралул производствалул тагьардания, шикку зузиминнал харжирая, итадакьлакьисса продукциялия ва дуснакь бувминнал захIматрал шартIирдая.
Хъирив уполномоченныйнал ххал бунни колониялул столовая, дуки-хIачIиялул, менюрал хIакъираву ихтилат бунни дуснакь бувминнащал.
Заур Кьурбанов ивунни медициналул частьрайнгу, мукунна ххал дунни дуснакь бувминнал ялапаршиннардал шартIру, миннал мурадру ва ихтиярду цукун дуручлай бурив.
Ванал ххуй чулий кIицI ларгунни колониялийсса шартIру. Хьунабакьаврил хIасиллу ду­ллай, Заур Кьурбановлул кIицI лавгунни Дагъусттаннал УФСИН-щал цачIу цив­ппа ишбажаранчитурал сообществалущалсса дахIаву цIакь дуллантIишиву, шиккусса производство гьарта-гьарза даву ва республикалул УИС-рал идарарттайн заказру дулаву мурад­рай.