8Дагъусттаннал УФСИН-лул идарарттавасса ца хъанай дур лечебно-исправительное учреждение №4 (ЛИУ). Цаппара шинну хьунни шикку аьнакIив ябуллалисса комплекс зузи бувну.
Ва комплексраву, идаралул цанна аьркин дансса дикI дикIаншиврул, хъуни дуллай бур аьнакIал оьрчIру. Ларгсса шинал производствалия дуркIун дур 18 тонна аьнакIал дикIул. Ххюра шинал дянив шичча дукIлакIисса дикI шамлий ххишала хьуну дур. Шикку хъуни бувсса аьнакIал дикI диян дуллай бур республикалул УИС-рал цинярда идарарттайн. ХIакьинусса кьини комплексраву ябуллай бур 1800 аьнакIи. Уттиния тихунмайгу ми гьарза бансса пикри бур идаралул хъуниминнан.
Дагъусттаннал УФСИН-лул идарарттал гьарица шинах кьутIи дуллалиссар дуснакь бувминнал дукансса аьнакIал дикIул дузалшиннарал хIакъираву.
АьнакIив хъуни буллалисса производство хьхьичIуннай дарча, гьарта-гьарза дарча, дуснакь бувми зунсса кIанттурдугу хьунссия, аьнакIал продукциягу ххишала хьунссия, УИС-рал идарартту цирда аьнакIал дикIул щаллу даврицIун, ми цайминнангу дахлан хьунссия.
ДР-лул УФСИН-лул пресс-служба
ХIадур бувссар
А. Аьбдуллаевал
