Аьрасатнал президент Владимир Путиннул кабакьу бунни «Воин» тIисса центр билаятрал гьарца региондалий тIитIаврин.
«ХIарачат буванну му даву бакIуйн дуккан дуван, мунил хIасил хъинсса хъанайгу духьувкун», – увкунни паччахIлугърал бакIчинал центрданул тарбиячитуращалсса ихтилатраву.
Центрданий дуллай бур жагьилтал аьралийтурал, спортрал ва патриотшиврул ххуллий тарбия баврил давуртту. Тарбиячитал чIявуми бур СВО-лул гьурттучитал. Миннал лахьхьин буллай бур 14 шинал оьрмулия ливчусса жагьилтуран битлан, инженершиврул даву дуллан, связь дузал дуллан, национал мюхчаншиврул гьанурду буллан, пилот акъасса системартту ишла дуллан, цалчинсса медициналул кумаг буллан, аьралуннал ва спортрал тIуркIурду буллан.
