Дагъусттаннал хъунасса арс, ДР-лул халкьуннал художник, искусствалул лайкь хьусса ишккакку, ГьунчIукьатIрал жяматрал пахрулунсса вакил Арсен Къардашов ниттил увсса кьинир хIакьину.
Арсеннул бивтсса оьрмулулгу, творчествалулгу ххуллу бур ххишала бакъа авадансса, гьарца чулуха бювхъусса ва барачатсса. Ванал кIунттила бувккун бур цаннияр ца ххаллилсса художествалул произведенияртту ва ми хъинну машгьурну бур.
Ххирасса Арсен, чIа тIий буру вин цIакьсса цIуллушиву, дуллалимуниву, дан дакIниймуниву тIайлабацIу.
Вания тинмай бутантIимур оьрмулувугу чан къахьуннав вин вила чумартсса ва чувшиву ххисса дакIнин лавхьхьусса кьисмат, ххуй-хъиншивуртту.
ГьунчIукьатIрал ккурандалул председатель
ХIажибутта ХIусайнов
ГьунчIукьатIрал шяравасса МахIаммадлул арс Къушиев Маликлун сентябрьданул 28-нний хьун най дур ниттил увну 65 шин. ДакIнийхтуну барча дуллай буру му ххари-шадсса кьини.
Малик хъунмасса хIаллай зий ур ГьунчIукьатIрал школалул директорну. Ванал ва ванал лагма лавгсса учительтурал дуклаки оьрчIру буттахъал аьдатрайну тарбия баврил, цIузаманнул кIулшиву дулаврил ххуллий хъунмасса захIмат бихьлай буссар.
Даврил уртакьтурал, дустурал, цалва агьлу-авладрал, жяматрал дянив сий дусса инсанни, чувшиврул ва чумартшиврул бутIа ххину буллусса адаминар Малик.
ЧIа тIий буру Маликлун чIярусса цIуллусса шинну, цIу-цIусса ххаришивуртту, ххуйшивуртту, кулпатраву талихI, оьрмулуву тIайлабацIу.
Итаннав ина оьрмулия щалихханнин, вила кулпатгу, гъан-маччамигу, лагма-ялттумигу ххари буллай. ОьрчIая, оьрчIал оьрчIая неъмат ккакканнав. Бартлаганнав вил дакIнийсса мурадру. Бишиннав ххишаласса барачат ина дуллалимуний ва дан дакIниймуний.
Барча вил оьрмулул юбилей!
ГьунчIукьатIрал ккурандалул председатель
ХIажибутта ХIусайнов
