– Июнь зурул 23-нний МахIачкъалалив ва Дарбантлив дурсса терактрал кьурчIишиву – ва жула цинявннал аьмсса кьурчIишивур.
Жунма кIулли жула Ватангу, къучагъсса жула жагьилталгу цанма цивппалу, НАТО-лийн ва миннал биялдарайсса хIукуматирттайн данди бавцIуну, хьхьичIунмай най, душман бат уллай бушиву.
Душмантал ссаякIуй махъаллил хъанай бакъар. Чапалсса кьяйдардайну, лавмартсса иширттайну динналгу, миллатиртталгу дянив дирчуну, жула билаятрай гъургъаза дансса кьаст лархIуну бур.
Ххирасса ватанлувтал, хаснува жагьи-жугьулт, оьвчаву дуллай ура зуйн: личIлулну бикIияра, соцсетирдаву аьркин бакъасса информация ппив мабулларду. Жува циняв буру личIи-личIисса журалул инсантал, ялапар хъанай буру личIи-личIисса республикардай, гъалгъа тIий буру личIи-личIисса мазурдий, Ватан тIурча, жула цинявннал цар – бюхттулсса Аьрасат, – увкуна, вай гьантрай республикалий хьумунил хIакъираву ЦIуссалакрал райондалул Депутатътурал мажлисрал председатель Аслудин Аслудиновлул.