Дагъусттаннал шяраваллил хозяйствалул министрнал чIумуйсса кIанайма Иван Голуб бакIчисса Дагъусттаннал делегация Кисловодск шагьрулий гьуртту хъанай бур «Спортрал аьрщи» тIисса Щалагу Аьрасатнал спортрал марафондалий.

Дагъусттаннал шяраваллил хозяйствалул министерствалул прессалул къуллугърал информациялийн бувну, ва хъанай дур Ставропольлал крайрай хъанахъисса хъуннасса мероприятие. Шиккун бувкIун бур сайки 12 азара хъамаличу Аьрасатнал Федерациялул личIи-личIисса регионная.

Дагъусттанная гьуртту хъанай ивкIссар 10-наха ливчусса спортсментал, миннал цала пагьмурду ккаккан бунни кулпатрал эстафеталуву, ГТО-лул нормативру биттур давриву ва волейболданул турнирдануву. КомадалуцIун кабакьу бунни цува Иван Голублул ва ДР-лул Минсельхозпродрал цаймигу зузалтрал.
Бяст-ччаллал цалчинмур кьинилул хIасиллайн бувну, Дагъусттаннал гьурттучитурал хъинсса ккаккияртту хьун дунни циняв финальданийн бувккуну.

ХI.Аьдилов