Вай гьантрай Беларусьнал Минск шагьрулий хьунни шамийла олимпий чемпион Александр Медведьлул аьпа абад баврин хас дурсса лачIун буккаврил дунияллул халкьуннал дянив­сса 55-мур турнир. Муний Дагъусттаннал цачIундур командалул дурххунни арулла медаль: 2 мусил, 2 арцул ва 3 чарвитул.

Турнирданий ххув хьунни ХIажимурад ХIажиев (74 кило), Аьлихан Жабраилов (97 кило).
Арцул медальлу ларсунни ХIамзат ХIасановлул (92 кило), Эльдар АхIмалудиновлул (65 кило).
Чарвитул медальлан лайкь хьунни Кьасум Кьасумов ­(79 кило), Аьли Шамиров (86 кило) ва МахIаммаднаби МахIаммадов (86 кило).

Ххув хьуминнавух бур мукунма Аьрасатнал цайми регионнахлу ва билаятирттахлу лачIун буклай бивкIсса Дагъусттаннал спортсменталгу: МахIаммад Тажуттинов (65 кило, Оренбургуллал область), МахIаммадхIабиб КьадимахIаммадов (79 кило, Беларусь) ва Абубакар Абубакаров (92 кило, Азирбижан).
ХI. Аьдилов