36-мур мотострелковый дивизиялул батальондалул командирнал хъиривчу, гвардиялул майор Гойтимиров Расул Шуаьйповичлул личIлулшиврийн бувну дургьусса БМП душмантурал техника душиву тасттикь бувну бур.
«Угледардай уссияв дрондалий ирглийсса инженер разведка дуллай. Ца ппурттуву лекьа-пIякьу хьусса къатраву хIисав хьуна жуйнма къарщиминнал чулухасса БМП-2 душиву. Мугьлат бакъа радиосвязьрайхчIин баян бувссия 36-мур бригадалул командирнайн. Ваналгу рухсат буллуна техника эвакуировать дувансса.
Сапертурал ххал диргьуну махъ, цIан лакьайхту, БМП дурцуну бувкIру. Частьравун бучIайхту ххал дигьарду техникалул тагьар. Пякь учайсса ва нигьачIаву дусса затру дакъашиву исват байхту, техника щурущи дан хIадурну душиву баян барду командирнайн. Утти ва БМП ххуйну зузи дантIиссар жула аьралитурал», – бувсуна къучагъсса аьраличунал журналист Владимир Соловьевлухь.