Оьрмулул 74 шинаву хар-хавар бакъа жуятува лавгунни ххаллилсса хъамитайпа, Хъусращатусса Аьбдуллаева Лиза Хlажимахlаммадлул душ.
Бувну бур ва 1951 шинал Хъусращиял шяраву бусравсса Хlажимахlаммадлул ва Баллал кулпатраву. Хъусращиял дянивмур даражалул школагу къуртал бувну, бувххун бур Дагъусттаннал паччахIлугърал университетрал юридий факультетрайн.
Университетрая махъ зий байбивхьуну бур Махlачкъалалив Ленинский райондалул судрай, Дагъусттаннай цlа дурксса юрист Мащилиев ХIажинал кьюкьлуву. Цаппара шиннардива Мащилиевлул ванин маслихIат бувссар адвокатуралувун буххан.
Муния махъ цал Махlачкъалалив 15 шинай, яла Москавлив 20 шинай Лиза зий бивкIссар адвокатну пенсиялийн букканнин. Гьунар бусса пишакар, иминсса дакlнил заллу Лиза такlуй хъамакъабитантlиссар ванищал зий бивкlминнан, ванил цlа бусраврай зумух ласавантlиссар.
Лиза жула дянивату лагаврил кьурчlишиву кlидачlлай, дакlнийхтунусса жижара буллай буру ванил арснахь Рамазаннухь, ссурваврахь Тlагьиратлухь, Гулжанатлухь, Сайгибатлухь, цинявппагу мачча-гъаннахь.
Хъусращиял жяматрал
ва дустурал цlания
Бастамин МахIаммадов
Лахъисса хIаллай къашавайгу ивкIун, оьрмулул 94 шинаву аьпалухьхьун лавгунни Аьбдулкьадирдул арс Дандамаев Тажуттин.
Ва увну ур 1931-кусса шинал ГьунчIукьатIрал шяраву. Гъумучиял дянивмур даражалул школа бувккуну махъ увххун ур Дагъусттаннал паччахIлугърал педагогикалул институтравун. Му къуртал бувну махъ лавгун ур армиялийн. Мугу лавхъун, зана хьуну мукьах зий ивкIун ур математикалул учительну Сергокъалаллал дянивмур даражалул школалий.
Муния махъсса ванал захIматрал ххуллу хъунмурчIин бавхIуну бур Лакрал райондалийсса кIулшиву дулаврил аралуцIун: райОНО-рал инспектор, райОНО-рал хъунама, школалул директор, завуч. Вай давурттай зий ванал хьуну дур сайки 60 шин.
Бивхьусса захIматрал хIалал дурну дур КIулшиву дулаврил министерствалул чулухасса диялсса ХIурматрал грамотартту ва цайми-цаймигу наградартту ва Барчаллагьрал чагъарду.
Дандамаев Тажуттин хъанахъиссар дяъвилул ва захIматрал ветеран. Ванал цIаний гьарцагу Ххувшаврил кьини бучIайсса бивкIссар президент В. В. Путиннул цIаниясса барча аврил чагъарду.
Итххявхсса шахматист хIисаврай ва гьуртту шайссия республикалул лагрулийсса турнирдай ва ласайссия грамотарттугу.
Тажуттин аьпалухьхьун лагаврил жижара буллай буру ванал кулпатрахь, оьрчIахь ва махъсса цинявппагу гъан-маччаминнахь. Цал бунагьирттал аьпа баннав, рухI паракьатний дишиннав.
ГьунчIукьатIрал жямат
ДакIнийхтуну хъуннасса кьурчIишивугу кIидачIлай, жижара буллай буру Лакрал театрданул администратор Рамазанова Аят Оьмардул душнихь, ванил нину Гузель ахиратрал шаврийн бувну.
Цил гьав нурданул дуцIиннав, алжаннул ххари баннав.
Махъминнал оьрмурдай барачат бишиннав.
Лакрал театрданул коллектив
————————————————
ДакIнийхтуну хъуннасса кьурчIишивугу кIидачIлай, жижара буллай буру Айгунов ХIасан Аьбдуллул арснахь, ванал язисса арс Аьбдул нязаннивсса бивкIулул жуятува батIул аврийн бувну.
Цал рухI хъинний дишиннав, алжаннул ххари аннав.
Ва лялиян дан захIматсса дард духIансса ссавур нитти-буттахьхьун дулуннав. Ванан къабуллумур оьрмулул бутIа оьрчIан, уссурссуннан, махъминнан буллуннав.
Лакрал театрданул коллектив
————————————
ДакIнийхтуну хъуннасса кьурчIишивугу кIидачIлай, жижара буллай буру Айгунов ХIасан Аьбдуллул арснахь, ванал аьзисса арс Аьбдул лавмартсса цIуцIаврил жуятува батIул аврийн бувну.
Цан ахират тIитIиннав, алжаннул багъирдаву ккакканнав.
Махъ ливчIминнал оьрмурдай барачат бишиннав.
«Илчи» кказитрал редакция
