Ккуллал райондалул Шяраваллил хозяйствалул управлениялул ккаккиярттайн бувну, райондалий цинявппагу бусса бур 165 азарва бакI яттил.

Миннувату гьашину кIинтнил даэрдайн вай гьантрай лавгун бур сайки 6000 бакI яттил, 350 бакI лухIи гъаттарал ва 170 балчан. Даэлийн уттигу гьан хIадур хъанай бур 6000 бакI яттил. Шяраваллил хозяйствалул управлениялул каялувчи Асланбаг Аьли­евлул тIимунийн бувну, гьашину ятту кIинтнил даэлийн буккан чIал шаврил савав хьуну дур зунттаву марххала гъинтнил зурдардийгума къабавссуну личIаву.

Лакрал райондалул Шяраваллил хозяйствалул управлениялул каялувчи ХIажи ХIажиевлул бусаврийну, райондалий цинявппагу бусса бур 117 азарва бакI яттил, миннувату гьашину Бабаюртуллал зоналийсса кIинтнил даэрдайн лавгун бур 90 азарваксса ятту, сайки 5000 лухIи гъаттара.

ХI. Аьдилов