Кьурбаннул арс Сулайманов Маратлул чувшиврий жан дуллуну шин хъанай дур вай гьантрай. Ванал ппу Цалчинмур ЦIувкIратуссар, нину ПатIимат Хъусращатуссар. Ва зий уссия авиациялул кьюкьлуву ххассалбувуну, МахIачкъалаллал РПСБ-лий, 2024 шинал контракт чирчуну лавгссия СВО-лийн. ДукIу, Донецкалий гьалмахтал ххассал буллай жан дуллуссар. Лайкь хьуссар Чувшиврул ордендалун.
Ванал щарнил ниттил ПатIиматлул щалагу ­агьулданул цIаниятусса шеърирдайсса ххарур ялавай бишлашисса ххаругу.

Дяркъусса кIинтнил кьини
Байбивхьусса та дяъви…
Найнма бур хIакьинугу,
ДакIру аьраххан дуллай.

Кьабивтун ххира кулпат,
Лавгунна тти инагу,
Украина жулвар тIий
ХIукумат ххассал дуван.

Дяъвилийн къагьарчагу,
Ххассал буву иявхха,
Ца-цассаннал оьрмурду
Ина ххассал бувнахха.

Ватан, Ватан тIий ияв,
ЯхI буминнавух ияв,
Аьрай аьркинссара тIий,
Аьрайн къисттану ияв.

Тти вил Чувшиврул орден,
Дуллунни вил арснахьхьун,
Военкомнал увкунни:
«Пахру бара, буттацIун!».

Пахру банссагу ияв,
Пахру банну лавгунна,
Амма жул дакIурдива
Абадлий къагьанссара!

ПатIимат Сулайманова