[dropcap]М[/dropcap]арт зурул 10-нний ЦIуминалийсса ЦIуссалакрал райондалийн бувкIунни туркнал инвестортал. ЦIуссалакрал райондалул бакIчи МахIаммад-ХIажи Айдиевлущал делегациялул ххал диргьунни Дагъусттаннай зузи дансса ниятрай сакин дурсса проектру. Вай проектру дузрайн дуккан даврийну, инвестицияртту дучIан даву бакъассагу, хIасул хьун най бур чIявусса инсантал зунсса кIанттурду.
МахIаммад-ХIажи Айдиевлул инвестортуран ккаккан дунни проектру зузи дан куннасса къулайшиву дусса «Трест-Новострой» автотранспортрал предприятиялухь хьхьичIара диркIсса аьрщив. Аьрщив ххал диргьуну махъ туркнал инвестор Ислам Канитоглун дакI даркьунни «Трест-Новострой» предприятиялухь диркIсса аьрщарай. Вайннал бувсунни ЦIуссалакрал райондалийсса аьрщарай зузи дансса тамансса ми проектру хIадурну душиву. Райондалул бакIчинал кIицI лавгунни проектирдал чIарав ацIан хIадурну ушиву. Миннул хIукмурду ва кьутIирду дан МахIаммад-ХIажи Айдиевлуйн оьвкунни ИстIамлив.
