Гьарица шинах «Формирование комфортной городской среды» тIисса федерал программалул лагрулий агьалинал ккаккан байссар цукун баххана хьунтIиссарив цанма ххирасса бигьалагай кIанттурду.

БантIиссар цIусса аллеярду, оьрчIансса площадкартту, цIу буккан бантIиссар паркру ва хьхьирил зуманивсса кIанттурду.
Щалагу Аьрасатнаву «Формирование комфортной городской среды» программалул лагрулий байбивхьуссар волонтертал бувчIлай. Ва хъанахъиссар жучIава яла хъунмамур волонтертурал корпус. Азарунния ливчусса жагьилсса дагъусттанлувтал хьунтIиссар волонтертал. Миннал кумаг буллантIиссар агьалинан программалуву гьуртту хьун, баххана бансса кIанттурдах чIурду булун, агьалиначIан информация биян буллан.
ЧIурду буллантIиссар апрель зурул 21-нния байбивхьуну июньдалул 12-ннийн бияннин. Луглай бур оьрмулул 14 шинава бувксса, ва давриву хушрай гьуртту хьун ччисса инсантурах. Гьуртту хьун ччиминнаща «Добро.рф» сайтрай сияхIрай бацIан хьунтIиссар.

Андриана Аьбдуллаева