Хъаннил байрандалул кьини Лакрал райондалул бакIчи Юсуп МахIаммадов ДР-лул Халкьуннал Мажлисрал ­депутат Марат Илиясовлущал ва МахIачкъала шагьрулул Депутатътурал собраниялул хъунама Марис Илиясовлущал хьунаавкьунни Аьрасатнал Вирттаврал ниттихъащал – Сапижат Мазаеващал ва Марина ­Исбакиеващал.
— Ччай бия барчаллагь учин ватандалул ххуллий виртталну жанну дуллусса арсваврал ниттихъахь, цал ххишалану дакIнин бутан жунма цуксса кьиматрай буссарив ва бикIан аьркинссарив жучIава жула оьрмулуву, жяматраву, тарихраву вайннал бихьлахьисса захIмат.
Виричу тарбия аву – му къабигьасса захIматри, микку ­аьркинссар дакIнил гьавас, ччаву ва аькьилшиву. Вайннал арсру хьуссар жунма цинявннансса эбратну, цивппа ниттихъул тIурча – кьянкьашиврул ва дакI тIайлашиврул лишанну.
Аьрасатнал Вирттаврал ниттихъул – жула билаятрал пахрур ва жунна дакIния дуккан къааьркинссар гайннал виричушивур­тту, — увкуна ванал
Зулайхат Тахакьаева