Аьрасатнал Профсоюзрал ЦК-лул цIакь бунни федерал округирттай жагьилтурал иширтталсса буллансса вакилтал.

Ухссавнил Ккавкказнал федерал округрай жагьилтурал ишир­тталсса буллан­сса вакилну бивтун бур Сабира АьлимахIаммадова – Да­гъусттаннал цIуллу-сагъшиву дуруччаврил профсоюзрал зузалтрал Жагьилтурал советрал хъунмур.
Дагъусттаннал медициналул зузалтрал профсоюзрал хъунмур Зумруд Бучаевал бусаврийн бувну, Сабира АьлимахIаммадова цимилвагу гьуртту хьуну бур Аьра­сатнал цIуллу-сагъшиву дуруччаврил зузалтрал профсоюзрал дуллалисса щалагу Аьрасатнал форумирттай, семинар­ттай, Дагъусттаннал чулуха гьуртту хьуну бур «Бодрость и здоровье» тIисса Аьрасатнал цIуллу-сагъшиву дуруччаврил идарарттал зузалтрал XII-мур спортрал фестивальданий.
Профсоюзрал волонтер хIисаврай, цIусса коронавирусрал инфекциялул пандемиялул ппурттуву чялишсса гьурттушинна дурну дур «Мы вместе» тIисса щалагу Аьрасатнал проектрал лагрулий буллали­сса «Помощь рядом» тIисса республикалул профсоюзрал акциялуву.
Лайкь хьуну бур Дагъусттаннал цIуллу-сагъшиву дуруччаврил зузалтрал профсоюзрал организациялул ХIурматрал грамоталун.