[dropcap]Я[/dropcap]нварь зурул 28-29-нний Хасавюртлив хьунни Ухссавнил Ккавкказуллал Федерал округрал чемпионатрай гьурттушинна дансса спортсментал язи бугьлагьисса грепплинграл Да­гъусттаннал чемпионат.

Имара Саидова
Грепплинг дур махъппурттуву хъинну машгьур хъанай нанисса спортрал цIусса жура. Ва спорт цурдагу дур жагьилтуран ляличIину ххирасса.
Чемпионатрай 66 ккило кIу­шиврул дусса категориялий цалчинсса кIану бувгьунни ЦIу­ссалакрал 1-мур ДЮСШ-рай ХIажиев МухIаммадлул. «Агат» клубрал чулуха чемпионатрай гьуртту хьусса ЦIуссалакрал райондалиясса Гаппаев Жамаллул бувгьунни шамилчинсса кIану.
Вай кIиягу спортсменна­хьхьун ихтияр дуллунни Дагъусттаннал цачIун дур командалуву чIал къавхьуну хьунтIисса грепплинг­рал СКФО-рал чемпионатрай гьуртту хьунсса.
ЧIа учинну жагьилтуран тIайлабацIу.