Вай гьантрай, август зурул 15-нний, ЦIуссалакрал шяраву, биялсса халкьгу бавтIун, лахъа-хъунну кIицI ларгунни ТтурчIиял шяраваллил кьини.

Байрандалий гьуртту хьунни 800-ннийн бивсса инсантал. Хъирив кьини 55 инсанная сакин хьусса ккуран ларгунни кьариртсса ТтурчIиял шяравалу ххал дан ва, буттахъал хIатталлив бивну, кьулгьу-алхIам буккин. Шяраваллил кьинилун хасну хьунни спортрал бяст-ччалгу: лечаву, пут гьаз даву, шахматирттай буккаву. ХьхьичIунсса кIанттурду бувгьусса оьрчIан райондалул администрациялул ва ТтурчIиял жяматрал ккурандалул чулуха дуллунни медальлу ва грамотартту.