МахIаммад ХIусайнов Шарапуттин ХIажиевлущал
[dropcap]Т[/dropcap]ерроризмалийн ва экстремизмалийн къаршину республикалул Культуралул министерствалул дуллалисса давурттал лагрулий Апанни Къапиевлул цIанийсса Лакрал паччахIлугърал музыкалул ва драмалул театрданулгу дуллай бур цин лархьхьусса даву.Сайки гьарца нюжмардий тIисса кунма, занай бур Дагъусттаннал шагьрурдал ва районнал дуклаки оьрчIан ва студентътуран дяъвилул, ватан ххирашиврул темалийн багьлагьисса спектакллу ккаккан бан. «АхIмад-хан Султан» ва Апанни Къапиевлул аьраяллил чичрурду гьануну лавсъсса «ДухкъалагантIисса макь» спектакллу, учин бюхъанссар, республикалул сайки цинявппагу шагьрурдай ккаккан бувссар куну.
Зулайхат Тахакьаева
Ттигъанну мува спектакль ккаккан бунни Избербаш шагьрулул педагогикалул колледжрал студентътуран.
Спектакль байбишин хьхьичI Избербаш шагьрулул округрал терроризмалийн къаршисса комиссиялул аппаратрал пишакар Шарапуттин ХIажиевлул бунни Ватан дуручлай бивкIсса жула хъунмур никирал аьпалул хIурмат буруччин жува буржлувшиву бувчIин буллалисса ихтилат.
Уручуллал шяраватусса Раисат Сулайманова цила курсращал. Аьрасатнал дянивсса пишакарсса кIулшиву дулаврил бусравсса зузала, лаваймур категориялул педагог. 25 шин хьуну дур ванил ва педколледжрай зий.
Бувсунни Избербаш шагьрулул чиваркIуннал Буттал кIанттул цIанийсса дяъвилий дурсса гьурттушиндарая. «Цуксса хIайпнугу, хIакьинусса кьининин минная сагъну ливчIун ур увагу кIия – Насруллагь Исяевич ва Тамара Яковлевна. Насруллагь Исяевич ларгсса шинал Ххувшаврил парад чIюлу дуллай уссия. Умуд бур гьашинугу ванал гьурттушиндарал жула парадрал сий лахъ данссар тIисса.
Уручуллал шяраватусса Раисат Сулайманова цила курсращал. Аьрасатнал дянивсса пишакарсса кIулшиву дулаврил бусравсса зузала, лаваймур категориялул педагог. 25 шин хьуну дур ванил ва педколледжрай зий.
Тамара Яковлевна инжитну бур», — увкунни ванал. Икьрал дурунни кIиягу ветераннал ялтту буккан гьан.
Лакрал театрданул директор МахIаммад ХIусайновлул ва педколледжрал директор Давудбаг МахIаммадовлул бувсунни Апанни Къапиевлул яргсса оьрмулия. Оьвчаву дурунни аьдатру, рувхIанийсса ххазина ва мяърипатрал кьараллу дуруччин.
Колледжрал актовый зал бия шапI куну бувцIуну.
Преподавательтал ва студентътал хъунмасса гъирарай вичIи дирхьуну бия дяъвилул хIасратрая бусласисса спектакльданух.
«На муксса дакI кIюласса инсан акъара, амма спектакль ххал буллалиссаксса хIаллай цимиллагу иттагу макь лирчунни. Му бакъарив шаэрнал, чичул мукъул бияла», — тIий ия Шарапуттин ХIажиев.
