Шин дайдирхьуния шиннай чIявусса квартирарду бусса къатраву аьмсса хъуслил капитальный ремонт дайсса Дагъусттаннал фондрал гьарца зуруй дулун аьркинсса капитальный ремонтрахсса взносру къадуллай буржру хьусса квартирардал заллухъруннал хIакъираву 11 азарунния ливчусса искру щаллу бувну бур.
Судрайн дуллусса яла чIяруми материаллу дур МахIачкъалаливсса, Каспийскалийсса, Дарбантливсса ва цаймигу шагьрурдайсса чIяру зивурду дусса къатравусса квартирардал заллухъруннал хIакъиравусса. Цинявппагу аьрзардайн бувну, буржру 260 миллион арцуйн бивсса бур. Судрал приставтурал къуллугърал фондран дуллуну дур 66 миллион ва 241 азарда къуруш. Фондрал цал ттигу оьвчаву дуллай бур чIяву квартирарду бусса къатраву ялапар хъанахъисса инсантурайн, квартирардал заллухъруннайн: иш судрахун къабувтна зуйвасса буржру булара тIий.
Аьрасатнал Федерациялул Жилищный кодексрал ва ДР-лул 57-мур закондалийн бувну, капитальный ремонтрахсса арцу чара бакъа дулун аьркинссар гьарца зурух хъирив нанимур зурул 25-ннийн бияннин. Взносру цила чIумал къадулурча, АьФ-лул Жилищный кодексрайн бувну, Фондрал бишинтIиссар пени.
Андриана Аьбдуллаева
