ХIусайнов Надир МахIаммадлул арс увну ур 1935 шинал мартрал 3-нний ГьунчIукьатIрал шяраву. Дянивмур даражалул школагу къуртал бувну,
увххун ур Ленинградуллал жамирду бай институтравун, инженер-электромеханиктал хIадур бувайсса факультетрайн.
[dropcap]И[/dropcap]нститут къуртал бувну махъ ва тIайла увккун ур зун «Дагестанкоммунэнерголул» производствалул ва техникалул отделданул хъунаману. Цаппара хIаллава Надир ивтун ур цал хъунама инженерну, яла — начальникну. Ца шинаватугу ивтун ур Дагъусттаннал жилищно-коммунальный хозяйствалул министрнал цалчинма хъиривчуну.
Вай къуллугъирттай зузиссаксса хIаллай Надирдул чIярусса хьхьичIунсса давуртту дурну дур шагьрурдал ва районнал электросетьру хьхьичIуннай давриву.
[dropcap]В[/dropcap]а ия цала пиша лавайну кIулсса специалист. Дагъусттан Республикалий хьхьичIа-хьхьичI Надир лайкь хьуну ур «Заслуженный работник жилищно-коммунального хозяйства Российской Федерации» тIисса цIанин.
Ванал шамагу ниттиуссу – МахIаммад, АхIмад ва Юсуп Чавтараевхъал 1935 шинал Дагъусттаннай «Дагсельэнерго» тIивтIуну, мунил хъунаманугу МахIаммад ивкIссар. Щалагу Дагъусттаннай вай шамагу уссил дурсса проектрай 63 ГЭС бувссар. Миччасса духьунссия Надирдулму кIулшивурттугу.
Оьрмулул 69 шинаву Надир аьпалухьхьун лавгссар.
Вин алжан, нясив баннав, жяматрал лайкьсса арс!
ГьунчIукьатIрал ккуран
