Юсуп МахIаммадов:
— Ларгсса нюжмар дакIний лирчIунни Москавлив Дагъусттаннал Культуралул центрданул сакиншиндарайну миллатрал язисса арс, Совет Союзрал Виричу, космонавт, ттулагу хьхьичIунсса дус-ихтивар, Муса Маннаровлул юбилейрал мажлисрай навагу гьуртту шаву. Къачансса агьлу бувкIун бия Дагъусттаннаягу жула Муса лахъа-хъун уван. Нава райондалул бакIчину уссаксса мутталий Муса Ххираманович цувагу учIайссия Лаккуй хъанахъисса мероприятиярттайн. Гьай-гьай, ци мероприятие духьурчагу, мунил сий, бусрав Муса гьурттуну ушиврул ляличIинура хъун дайва.
КIул хьуссара Муса Маннаровлущал ва цалчина-цалчин аьламрава зана хьусса ппурттуву, Лакрал районнал агьалинащал хьунаакьин увкIний. Яла Москавливгу цаппарассалийла хьунаавкьуссара
.
ЦIуссалакрал райондалийн ярагъуннищалсса кьюкьри ххярхсса чIумалгу, Муса уссия увкIун миллатрал чIарав ацIан, нагу ополчентурал кьюкьлуву ияв. Муния махъ Муса Ххираманович Аьрасатнал Думалул ­депута­тну­ усса чIумалгу лакрал шаннагу райондалул агьалинащал хьунаавкьуссия. Жу Муса Маннаровлущал Газпромрайнгу лавгссару Лаккуйн газ буцаврил ялув. Амма, билаятрайсса тагьар сававну, му масъала бяливчIуна, сукку хьуну найгу бивкIун.
Юбилейгу барча дуллай, чIа тIий ура Муса Ххирамановичлун цIуллу-цIакьну бутансса лахъисса оьрму.

ХIадур бувссар
Зулайхат Тахакьаевал