[dropcap]К[/dropcap]куллал райондалул цIу лещан дувулт цалла даву кIанийн дуртун кIулсса зузалт бур. Вай мудангу республикалий хъанахъисса цIу лещан дувултрал дянивсса бяст-ччаллавухгу гьуртту шай. Бугьай микку хьхьичIунсса кIанттурдугу.
Жунма кIулли ва пиша язи бувгьуминнаву, чара бакъа, иш багьни, зирангшиву дикIан багьлай бикIайшиву. Мунийн бувну, чIун-чIумуй Ккуллал райондалийгу бувай зузалтрал дянивсса спортрал бяст-ччаллу.
[dropcap]В[/dropcap]ана уттигъаннугу, март зурул 27-нний, ЧIяйннакъурув хьунни лечаврил ва цаймигу спортрал тIуркIурду. Вай тIуркIурдай каялувшиву дуллай ия цIу лещан дувултрал идаралул хъунаманал хъиривчу МахIмудиев МахIаммадхан. Лечавриву хьхьичIун увккунни Хъусращиял шяравасса цIу лещан дуву Аминов Мухтар.
Хьхьара къахьуннав зул зирангшиву.
