
[dropcap]З[/dropcap]унттал билаятрал тIабиаьт дур инсаннан яхъанан хъинну ххуйсса. Циван учирча, шиккусса гьава бур марцIсса, цукунчIавсса заводирттал,
фабрикарттал ххиличIлурдал зия къабувсса.
БучIия жула ший туристътуран, экстремалтуран зунттавух занансса, шийсса тIабиаьтрал аьламатирттах ябитансса турбазартту буван. Утти, СССР дакъания махъ, мукунсса кIанттурду, инвестортурал бакъа, буваншивугу къакIулли.
[dropcap]Ч[/dropcap]чянива,1968-ку шинал, Мексиканал хъуншагьрулий Мехиколий хьуссар гъинттулсса Олимпий тIуркIурду. Тана тай тIуркIурду най бивкIсса Мехико шагьру бусса бур Ккуллал райондалул лахъшиврийсса. Яни тикку дусса дур 1800-2000 метра. Тай тIуркIурдая Дагъусттаннал рапирарттай укку Владимир Назлымов Олимпий чемпион хьуну увкIссар.
Укун лахъсса кIанттай гьава ххялтIасса бикIайсса бур. Амма уттигъанну, ци гьаварал ххялтIашиву духьурчагу, ттун кIюрххил, Вихьлияту Ваччав даврийн най унува, бакIрайн агьуна ЦIуйшиял шяраваллил чIарахсса машинаххуллийх лавай левчуну нанисса кIия жагьил. Гай жагьилтал бия Ссухъиящиял шяравасса. ХIатта махъсса шиннардий чан хьуну бухьурчагу райондалий спортрал бяст-ччаллу, хьхьичIра, на школалий дуклакийни, дикIайва хъинну гужсса волейболданул командартту. ЧIявуну финалданий хьунабакьайва ЧIяйннал ва Вихьуллал волейболистал.
Булухьхьияра шагьрулул жагьилтал зувагу зунттавун, зула чурхру таза буккан буван, бакIъялавай-бакIлавай лечлан.
ХIажимурад
ХIусайнов