Щаллу бан щинал масъала
Ларгсса ттуршукулул 70-ку шиннардийра дурцуну диркIсса щинал ххуллурду бух хьуну бур.ТIавтIсса, бияйнин бивсса бургъурдавух нанисса щин ччя-ччяни дацIлай дур, цирдагу марцIсса дакъар. Тагьар къулай даву мурадрай, шяраваллил администрациялул гьан бунни Дагъусттаннал экономикалул ва кIанттул лябуккулул министерствалийн кIанттул сиптардал проектирдал конкурсрай гьуртту хьунсса аьрза.
КIицI лаган, проектрацIун кабакьу буллай ур шиччавасса меценат СалихI ХIажиев. Щинал масъала дузрайн буккан бансса харжлугърал ца бутIа ванал цайнма лавсунни. Проект дузрайн дуккан даврийну, щинал бургъурду баххана баву бакъассагу, Ккурккуллал жяматрал ялапаршиннарал шартIругу къулай хьун най дур. Яла-яла, халкьуннал цIуллу-сагъшиврун чапалсса щинаясса нигьачIаву дикIан тIий дакъар.
Властьрал, бизнесрал вакилтал ва шяраваллил жямат цачIун хьурча, яла лахъи лавгми масъаларттугу щаллу бан хъанан бикIай.