Вай махъсса гьантрай ЦIуссалакрал районгу захIматсса тагьардануву лирчIунни. ЧIярусса гъараллу ларчIун тIий, кIанттул власть краннава нанисса щин махIачIару тIий къадагъа дуллай бур.
Ва ишираву агьалинан кумаг бунни ЦIуссалакрал райондалул цIуминалийсса «Новострой» тIисса ЛМО (лидер молодежи общества) жяматийсса организациялул. Ванил председатель, кикбоксинграл тренер Минкаил Рамазановлул хIарачатрайну шяраваллил агьлу ва кIулшивуртту дулаврил идарартту дузал бунни шушравусса марцIсса щинал. Аьмну, 2 тонна щинал диян дунни вайнначIан.Мунил мадара бигьа дунни цIанасса шартIирдайсса тагьар. Щин диян дунни ЦIуминалийсса оьрчIал багъирдайн, школардайн, мукунна дуллунни шяраваллил агьалинан. Вай аьркиннин диян дан хъунмасса кумаг бунни ДучIиннал шяраваллил жагьилтурал. Кумаг бунни Бияврил искусствардал школалул директор Рамазан Маммаевичлулгу. Кьини дурксса чIумал цачIун хьуну, кумаг бан хIадурну бушиву чIалачIи бунни кIанттул ккурандалул. ЦачIусса хIарачатрайну агьали марцIсса щинал дузал баврил масъала ччяни щаллу бан бювхъунни. ЦIуссалакрал каялувчинал барчаллагь увкунни ва ишираву кумаг бувсса цинявннахь.
Андриана Аьбдуллаева
