ЦIуссалакрал райондалул школардай ккаккан дунни «Анатомия подвига. Полицейские истории» тIисса документал ва художествалул фильм.

Укунсса документал фильмру ккаккан даврил мурад бур виваллил иширттал органнавусса къуллугърал сий гьаз даву, дуклаки оьрчIру му пишалийн кIункIу баву, жагьилтал ватан ххирану, чувшиву дуну тарбия баву. «Полицейские истории» – вай бур Аьрасатнал виваллил иширттал органнал зузалтрал мяйжаннугу ккаккан дурсса чувшиврия бусласисса хаварду. Фильмрал буслай бур, Аьрасатнал Виричу МахIаммад НурбахIандовлул «Зузияра, уссурвал» тIисса махъругу пишалул девизну ва мурадну лавсун къуллугъ буллалисса полциялул зузалтрая. Шикку ккаккан буллай бур виваллил иширттал органнал зузалтрал оьрмулувасса ишру ва миннал къуллугърацIун бавхIусса ляличIисса лахIзарду.
Андриана Аьбдуллаева