МахIачкъала шагьрулул 42-мур школалий 3-мур классраву дуклакисса Хъусращиял шяраватусса МахIаммадов Султаннун ларгсса шин дакIний лирчIунни тIайлабацIурттайну ва ххувшавурттайну.
Зулайхат Тахакьаева
Дуккавривусса хьхьичIуннайшивурттахлу ва личIи-личIисса конкурсирттайсса ххувшавурттахлу Султан тIайла увккунни Кремлилул Елкалийн.
Ларгсса дуккаврил шинал ва ххув хьуну ур «Первоцвет» тIисса республикалул мюрщими классирттал дуклаки оьрчIал элмийсса давурттал конкурсрай, «Науки юношей питают» тIисса республикалул элмийсса ахттаршиннардал конкурсрай; кIилчинмур кIану бувгьуну бур «Пусть доброе слово душу разбудит» тIисса дунияллул халкьуннал дянивсса творчествалул давурттал конкурсрай. Чялишсса гьурттушинна дуллай ур школалул мероприятиярттай.
Султаннул хьхьичIуннайшивурттаягу пахрулий, 42-мур школалул дирекция барчаллагьрай бур ванал ниттийн Камилатлуйн ва ниттил ниттийн Халисатлуйн.
ЧIяру даннав, Султан, вил ххувшавуртту ялун дуркIсса шинавугу!
