Дагъусттаннай 3000-нийн бивсса Росгвардиялул управлениялул зузалтрал ва МахIачкъалаллал соединениялул аьралитурал дурурччунни низам ва жяматрал мюхчаншиву региондалий бувчIавуртту нанисса чIумал.

БувчIавурттайн хIадур хъанай, террорданул иширттая ва цIу лачIаврия мюхчан даву мурадрай региондалул ихтияр дуруччай органнал зузалтращал, вайннал ххал диргьунни чIурду буллантIисса 1781 участок. Лицензияртту ва ихтиярду дулайсса центрданул подразделениялул зузалт ялтту бувккунни заллухърунначIасса ярагъ цукунсса шартIирдай ябуллай буссарив кIул бан. Мукунма ххал бивгьунни ярагъ ишакаш буллалисса объектру: ттучанну, ттупанг битайсса клубру, тирду.
БучIавуртту дайдишин хьхьичI кьини ОМОН-далул инженертурал ва техникалул группардал пишакартал къуллугърал ккаччивгу бувцуну ялтту бувккунни бувчIавуртту нанисса кIанттурадай пIякь учайсса затру дусса - дакъасса кIул дан.
БувчIавуртту нанисса гьантрайгу хьхьу-кьини къаувкуну къарал буллай бивкIссар чIурду буллалисса участокирдай кIанттул ихтияр дуруччай органнал ва Росгвардиялул зузалт.
Му бакъассагу, ми кIанттурдая арх бакъа къуллугъ буллай бивкIссар вневедомственный къаралданул экипажру ва хасъсса полкрал аьралитал. Лицензияртту ва ихтиярду дулайсса центрданул хIаписартал ялув бавцIуну бивкIссар бувчIавурттал участокрайн яругъуннищал къабуххан. Ихтиярду дуруччай органнал бавкьуну дурсса даврийну ва лявкъусса чараннайну бувчIавурттал чIумал Дагъусттаннай жяматийсса иширттава бувксса кIанттурду къавхьунни.