Лакрал райондалийн даврил аьрххилий бувкIунни Дагъусттан Республикалул магьирлугърал ирс буруччаврил агентствалул каялувчи Загьидат Исяева.

Райондалул бакIчи Зураб Куччаевлущал ххал бивгьунни муниципалитетрал тарихрал ва магьирлугърал ирс ябаврийн ва хьхьичIунмай баврийн багьайсса суаллу.

Муния махъ Зарема Исяевал кьамул бунни агьали. Агьамсса къулагъас дурунни мусих щащаврил сянат машгьур даврих. КIицI лавгунни ва жула ниттихъая нанисса ляличIисса сянат хъирив нанисса никирттайн диян дан багьлай бушиву.
Хаснура къулагъас дурунни федерал агьамшиву дусса VIII-мур ттуршукулий Гъумук бувсса Хъун мизитрах. Ххал бивгьунни ва тарихийсса ва рувхIанийсса гьайкал цIу дуккан даврил ялувсса суаллу.

Агентствалул каялувчинал кIицI лавгунни Лакрал райондалул тарихрал ва магьирлугърал ирс буруччаву хъанай бушиву властьрал, кIанттул цилакаялувшиндарал ва жяматрал цачIуну щаллу байсса масъалану.

Зулайхат Тахакьаева