Дагъусттаннал бакIчинал кIанайма Федор Щукин гьуртту хьунни шадлугърал тагьарданий яла хъуними цIусса школардавасса ца тIитIаврий.

Ва бур Хасавюрт шагьрулийсса 1150 оьрчIансса кIану бусса ттизаманнул журалийсса 14-мур школа.
Дуклаки оьрчIахь ва педагогтурахь цIусса дуккаврил шин барча дуллай, региондалул каялувчинал дакIнин бувтунни 2026-мур шин АьФ-лул Президент Владимир Путиннул баян бувну бушиву Аьрасатнал Халкьуннал цашиврул шинну.
Щукиннул тIимунийну, школалий гьарца оьрчIан бувчIайссар цува бюхттулсса билаятрал бутIану хъанай ушиву. Ванал учительтурахь ва ­строительтурахь барчаллагь увкунни гьарца чулухасса къулайшивуртту дусса школа дузал баврихлу.

Мура чIумал Хасавюртуллал райондалийсса Байрамауллал шяраву ДР-лул ХIукуматрал председатель МахIаммад Рамазановлул тIивтIунни 604 оьрчIансса кIану бусса цIусса школа. Ва бувну бур шанна сменалийсса дуккаврил низам духлаган даву мурадрай.
Миннуяр ххишалагу, сентябрьданул 1-нний республикалий тIивтIуну бур 300 оьрчIансса школа Пятилетка тIисса шяраву, 220 оьрчIансса кIану бусса школа Кьакьамащиял шяраву, 150 оьрчIансса пристройка Къизилюртуллал 1-мур школалий ва 120 кIану бусса оьрчIал багъ Дарбантлив.