Цаннал хъирив ца аьпалухьхьун лавгунни Кумиял жяматрал ххаллилсса вакилтал, уссу ва ссу МахIач ва Тамара ХIажиевхъул.
Оьрмулул 81 шинаву ахиратрал хьунни Мяммал душ Тамара ХIажиева. Бувну бур ва 1946-ку шинал июль зурул 13-нний МахIачкъалалив. Лавайсса кьиматирттай къуртал бувну бур МахIачкъалаллал 13-мур школа. Школа къуртал бувну махъ бувххун бур медициналул училищалувун ва зий бивкIун бур шагьрулул азарханалул оьрчIал отделениялий медсестрану. Мунияр махъ, Дагъус­ттаннал медициналул институтгу къуртал бувну, зун бивкIун бур шагьрулул поликлиникалий участокрал хIакинну. Шиккува профсоюзрал организациялул председательнугу бивтун бур. Мунияр махъ ва зун бивкIун бур Анаварсса кумаграл азарханалий хъунмур хIакинну. Тамара Маммаевна каялувшиву дуллай бивкIун бур шагьрулул цIуллу-сагъшиву дуруччаврил отделданийгу.
Махъсса шиннардий ва зий буссия «Надежда» поликлиникалул хъунмур хIакинну. Ванил чIярусса шинну дурссар агьалинал цIуллу-сагъшиву дуруччаврил аралуву хьхьичIунну зий. Тамара бия цила пиша ххирасса ва ххуйну кIулсса, инсаншиву дусса хIакин. Бия ваниву сакиншинначинал гьунаргу. Даврил уртакьтурал дянивгу Тамара Маммаевнал хIурмат хъунмасса бия.
Пишалул ххуллий бивхьусса захIматрахлу ва ккаккиярттахлу ванин дуллуну дур Дагъусттаннал ва Аьрасатнал лайкь хьусса хIакин, «Аьрасатнал цIуллу-сагъшиву дуруччаврил отличник» тIисса бусравсса цIарду. Ми дакъассагу ванил лайкь дурну дия чIярусса хIукуматрал наградартту.


 Изображение
Июль зурул 13-нний оьрмулул 85 шинаву аьпалухьхьун лавгунни Дагъусттаннал техникалул университетрал кафедралул доцент ­Мяммал арс МахIач ХIажиев.
Увну ур МахIач 1941-ку шинал ноябрь зурул 28-нний МахIачкъалалив.
1961-ку шинал мусил медальданий МахIачкъалаллал 13-мур школагу къуртал бувну, увххун ур Дагъусттаннал университетрал математикалул факультетрайн. ХьхьичIунну дуклай тIий, 1963-ку шинал, ва гьан увну ур Новосибирскаллал университетраву дуклан. 1966-ку шинал мугу лавайсса кьиматирттай къуртал бувну бур. Ивтун ур Дагъусттаннал университетрал преподавательну, математикалул кафедралул ­ассистентну. 1967-ку шинал увххун ур Новосибирскаллал университетрал аспирантуралувун. 1972-ку шиная айивхьуну, 2024-ку шинайн ияннин зий ивкIун ур Дагъусттаннал политехнический институтраву, математикалул кафедралул доцентну.
Цаннияр ца бусравсса, хIурмат лавайсса Тамара ва МахIач ХIажиевхъул аьпалухьхьун лагаврил пашманшивугу кIидачIлай, жижара буллай буру вайннал ичIуваминнахь ва махъсса цинявппагу гъан-маччаминнахь. Имандалий лавгун лякъиннав, алжаннул ххари баннав.
Мирзоевхъал кулпат,
ш. ТтурчIи