Райондалул бакIчи Зураб Куччаевлул цува щяивкIун ххал бунни микроавтобус.

Жамбулат Салавовлухь бахшишрахлу барчаллагь тIий, муниципалитетрал бакIчинал кIицI лавгунни, маршрутка занан тIий бушиву Гъумукух Хан-Муртазааьлил гьайкалданучIату цIуну бувсса детсадрал къатрачIан бияннин, уква агьали ххилай.

«Лакрал райондалул агьалинал ва ттула цIания барчаллагь тIий ура Жамбулат Шяпиевичлухь, ва зунттал кIанттайсса агьалинал куклушиндаран дурсса бахшишрахлу. Хаснува кIицI лаган ччай ура транспорт занан тIий душиву укра. Ва хъанахъиссар райондалул агьалинан администрациялул чулухасса бахшишнугу, райондалул оьрму къулай баврил ххуллийсса хIарачатнугу», – увкунни Зураб Куччаевлул. Транспорт зузи дантIий дур чIал дакъа.

Зулайхат Тахакьаева