«Каспий» батальондалуву хушрай къуллугъ бу­ллай бивкIсса Батирхан Къубиевлун ва Вугар Азаевлун аьпалул хьуну махъ Къучагъшиврул орденну дуллунни.
Аьралийтурал щахъаннихьхьун наградартту дуллунни Дагъусттаннал бакIчи Сергей Меликовлул. Къучагътал тарбия бувсса нитти-буттахь барчаллагьгу куну, ванал баян бунни минутIрайсса пахъ багьаву.
КIицI лаган, Батирхан ЦIу­ссалакрал райондалийсса Чапаево шяравасса ур. Шиккува школагу къуртал бувну, увххун ур Дагъусттаннал педагогичес­кий университетравун. Хасъсса аьралий операция байбишайхту, контракт чирчуну, Ватандалул мурадру буручлан лавгун ур. Контрактрал чIун къуртал шайхту, хушрайсса «Каспий» батальондалул кьюкьлувун ув­ххун ур.
2024-ку шинал апрельданул 28-нний душманнащалсса талатавриву чувшиврий жан дуллуну дур.
Андриана Аьбдуллаева