Октябрь зурул 21-нний щалагу Дагъусттаннай кунна Ккурккуллал школалийгу чирчунни аьдатравун дагьсса тотальный диктант.
Диктант чичин бувкIун бия учительтал ва дуклаки оьрчIру.
Язи бувгьуну бия Дагъусттаннал шаэр, чичу Абачара ХIусайнаевлул произведениялувасса парча. Текст бувккунни лакку мазрал учительница Гульнара Магьдиевал. Диктант дуккин хьхьичI ванил бувсунни ниттил мазрал агьамшиврия, му буруччин аьркиншиврия.
— Маз миллатрал ххазинар. Му бакъахьурча, дакъассар жула культурагу, бакъассар миллатгу, — увкуна учительнал.
Ва кьини шикку тIивтIуну бия жула багьу-бизу аьч буллалисса мурцIу, дуккан дурну дия нукIузаманнай жула халкьуннал ишла дуллай бивкIсса кьай-кьуй.
ТIиртIуну дия Дагъусттаннал чичултрал луттирдал выставка. Шиккува бия лакку мазрайсса кказит-журналлу. ЧIирайн лавхъун бия ниттил мазрахасса, му лахъа-хъун буллалисса махъру.
Андриана Аьбдуллаева
