Ростендерданул баян бувну бур, 2003-ку шиная шийнмай буллай бачIину ливчIсса, Гъумуксса азархана къуртал бансса подрядчик язи угьансса конкурс.
Тендер дурххусса подрядчикнащал Ростендерданул чичинтIий дур 170 млн. къурушрансса контракт. Азархана бувну къуртал бан дакIний бур 2023-ку шинал кIилчинмур дачIи шинайннин, Дагъусттаннал халкьуннал цIуллу-сагъшиву дуруччаву хьхьичIуннай даврил цIаний зузисса паччахIлугърал программалул лагрулий.
Медициналул идаралувун бухлай бур шанна зивулийсса шанма блок. Мивува бикIан тIий бур ацIа пишакарнансса общежитиягу. Проектрай ккаккан бувну бур санузеллащалсса, кIива тахлинсса, палатарду, административ къатри, къашайшалтрансса кабинетру, янна ликкайсса кIантту, столовая ва буфет, къашайшалт гъан-маччанащал хьунабакьайсса кIантту ва цаймигу.
