Декабрьданул 14-нний Ваччиял школалий хьунни Щалагу Аьрасатнал дянивсса «Учитель – 2023» тIисса конкурсрал муниципал ят1ап. Цала пишакаршиврул даража ккаккан бунни райондалул шанма школалиясса мукьва учительницал – Ваччиял, ЦIущуллал ва Цалчинмур ЦIувкIуллал.
Гьарцагу учитель ия унгу-унгуну хIадур хьуну. Вайннал ккаккан дунни учительнаву дикIан аьркинсса хасиятру: оьрчIру дакI тIиртIуну кьамул баву, ми цахухва лаган баву, миннан ляличIисса журалий дарс дурчIин даву.
Цалчинмур ят1апрай вайннал ккаккан бунни даврил опыт ва бувсунни цала дарс дишаврил кьюлтIшивурттая.
КIилчинмур ят1апрай ккаккан бунни кIулшивурттал даража ва дарс дишавриву ишла дуллалисса цIушиннарду. Цала даврил усттаршиву вайннан ккаккан дан багьунни кIул бакъасса классраву.
Конкурсрай ххувшаву ларсми гьуртту хьунтIиссар республикалул даражалийсса ятапIрай. Республикалулмур ятапI дикIантIиссар январьданул 16-нния апрельданул 7-ннийнин
2023 шинал.
Конкурсрал хIасиллайн бувну 1-мур кIану бувгьунни Ваччиял СОШ-лул оьрус мазрал ва литературалул учитель Аьйша Мах1аммадовал.
2-мур кIану – Ваччиял СОШ-лул байбихьулул классирттал учитель Аня Рамазановал ва ЦIущуллал школалул оьрус мазрал ва литературалул учитель Рукьижат Нураттиновал, 3-мур кIану – 1-мур ЦIувкIуллал школалул ингилис мазрал учитель Зульфия Кьурбанаьлиевал.
Ххувшаву ларсманан ва призертуран буллунни личIи-личIисса даражалул дипломру, бахшишру ва сертификатру.
Районнай ххувшаву ларсми гьуртту хьунтIиссар республикалул даражалийсса ят1апрай. Ва дикIантIиссар ялун нанисса шинал январьданул 16-нния апрельданул 7-ннийнин.
Ва конкурсрал мурадну хъанахъиссар гьунар бусса учительтал ялун личин баву, миннал чIарав бацIаву, социальный статус хъун даву, пишалул сий гьаз даву, чIумул т1алавшиндарах бурувгун цIушиннарду ялун личин даву.
