Терроризмалийн къаршисса
комиссиялул батIаву
Ккуллал райондалул администрациялул залдануву хьунни терроризмалийн къарщисса комиссиялул ирглийсса батIаву. Райондалул бакIчи Шамил Рамазановлул кIицI лавгунни цуксса агьамсса хъанахъиссарив Украиннай нанисса спецоперациялул чIумал жувагу гьарца чулуха бурувччуну бикIаврил масъала. Терроризмалийн къарщину райондалий цукунсса давуртту дуллай буссарив бувсуна райондалул бакIчинал хъиривчу Анатолий Давдиевлул. Ванал бувсуна хIакьину райондалийсса тагьар паракьатсса душиву. Амма чIурчIав дуруна интернетравух бусласисса циняв хавардайн вих хъанан къабучIишиврий, щялмахъру чIявусса бикIайшиврий. Вава масъалалул хIакъиравусса ихтилатру бувна цайминналгу.
ХIасил, личIлулшиву та-духьурчагу ххишалану къадикIайссар тIисса бия мурад.
Дуллунни экзаменну
Райондалул администрациялийсса батIаврий Ккуллал райондалул КIулшиву дулаврил управлениялул каялувчи Жамалуттин Оьмариевлул бувсунни школа къуртал бувсса оьрчIал экзаменну дуллушиву, миннавасса мукьуннал школа къуртал бувшиву мусил медаллащал. ЧIа увкунни цинявннан оьрмулул ххуллурдай тIайлабацIуртту.
Футболданий буккаврил бяст-ччал
Жагьилтурал кьинилун хасну райондалий хьунни футболданий буккаврил бяст-ччал. Микку гьуртту хъанай дия ряхра команда. ХьхьичIунмур кIантту бувгьунни Ккуллал шяраваллил командалул.
Омск шагьрулиясса хъамал Ваччав
Июль зурул 2-нний Ккуллал райондалийн бувкIун бия Омскаллал улклуясса «Звонница» тIисса фольклорданул ансамбль. Ва зуруй Дагъусттаннай най диркIссар «Горцы» цIанилусса, миллатирттал коллективру гьуртту шайсса фестиваль.
Культуралул къатраву сахIналийн бувккуна райондалул культуралул зузалт. Вайннал хъирив Омскаллал улклуя бувкIминналгу цаламур программа ккаккан дурна. Ва хьунабакьаврил сий хъиннура хъун дуллай дия гьурттучитурайсса миллатирттал лаххияртталгу. ЦIакь хьуннав миллатирттал дянивсса дусшиву!
