Жунма чIалачIисса куццуй, билаятрайссагу, аьмну дунияллийссагу тагьар хIисав дурну, Аьрасатнаву яла агьаммурну бур аьралуннаву контрактрай къуллугъ баврил масъала. Хъуннасса даву дуллай бур мунил ялув чиваркIуннал дянив.

Лакрал райондалийгу ва масъала, гьарца кьини тIиссакссагу, повесткалий бур. Райондалул бакIчи Юсуп МахIаммадовлул каялувшиндарай ххал бигьлай бур, контрактрай къуллугъ бавриясса бувчIин баврил ялувсса суаллу: контрактрай къуллугъ язи бувгьуминнансса ва миннал кулпатирттансса хIаллихшиннардая ва къулайшиннардая, контракт чичаврил низамрая. Му бакъассагу, администрациялул ва идарарттал зузалт бур кIантту-кIанттурдайва хьунабакьлай, контрактрай къуллугъ баврия буслай.

Вай гьантрай мукунсса хьунабакьаву хьунни Ххюлуссуннал шяраву. Райондалул бакIчинал хъиривчу Явсупи ХIамзаевлул чиваркIуннайх бавчIунни Аьрасатнал аьралий гужирдаву контрактрай къуллугъ баврия мяълумну бусласисса буклетру.