Вай гьантрай «Россия – страна возможностей» тIисса Президентнал платформалул кIулшиву дулаврил центрданий къуртал хьунни билаятрал хьхьичIунсса социал проектру ялун личин дуллалисса программа «Наставничество».

[dropcap]Э[/dropcap]кспертътурал лавайсса кьимат бивщуну, Аьрасатнал хьхьичIунсса социал проектран ккалли дунни Дагъусттаннай зузисса проект – «Ниттихъал бияла».
Проектрал насихIатчину бувккунни МахIачкъала шагьрулул Ленинский райондалул депутатътурал мажлисрал хъунаманал хъиривчу Сапижат МахIаммадрасулова.
Гьашину ва программалуву гьуртту хьуну ур, 6 зурул мутталий насихIатчинал даврил кIулшивугу ларсун, наси­хIатчитуращал цачIуну социал проектру хIасул дуллай ивкIсса 200 инсан.

Программалуву гьуртту хъанахъиминнал махъва-махъсса сессия хьуну бур «Сенеж» центрданий. Микку экспертътуращал цачIу ххал диргьуну дур проектру.
Сапижат МахIаммад­ра­суловал бусаврийн бувну, хьхьи­чIунсса проектирдал автортуран дуллуну дур хьхьирил экспедициялий гьуртту хьунсса сертификатру. Му экспедициялийн вайннайн оьвкуну бур Балтийский флотрал академиялул управлениялул каялувчи Михаил Новиковлул.

«На хъинну ххарира жула социал проект «Ниттихъал бияла» Аьрасатнал проектирдал дянив хьхьичIунминнул хху­ттавун дагьаврия. Ххарину бура жула вирттаврал ниттихъащал, щахъаннищал зузисса проект «Аьрасат – каширдал билаят» тIисса Президентнал платформалул дуллусса каширдацIух федерал лагрулийн дуккан дан бюхъаврия», – увкунни Сапижат МахIаммадрасуловал.