Мюрщи оьрчIал калимарттава

Нину арснахь:
– ЧIамуй ацIра кканпIитI ду­ссар, ххюра винна дити, ххюра чIивимур ссин дула.
– Ссин шанна дулунна.
– Вин хIисав дуван къа­кIуллив?
– Ттунния кIулли. Ссин къа­кIуллихха.

* * *
Невропатологнал кабинетраву мукьра шинавусса чIивитIугу, ванал нинугу.
ХIакин:
– ЧIивитIуй, буси, ччитул цими бачIа дуссар?
– Мукьра.
– Я цими буссар?
– КIива.
– ВичIи цими дуссар?
– КIира.
– Магъ цими дуссар?
– Вин вила оьрмулуву ччиту цалвагу къаккавкссарив?

* * *
Нину арснахь:
– Тортрал кIива касак бу­ссия бувкьун. Тти ца бакъа бакъар. Вища ва иш бувчIин буван хьун­ссарив?
– Хьунссаркьай. ЦIаннай ттун кIилчинмур касак ххал хьу­ну бакъар, акъарив мугу къа­личIайссия…

* * *
Нину арснахь:
– Я, ттул арс, ина мяммал винна ларсъсса игрушкартту циняв гъаргъун дурхха…
– Циняв къагъагъав, кьютIилу лирчIунни.

* * *
Шагьрулул кIичIираву:
– Дадай, дадай, дургу та адаминах, танал бакIрай царагу чIара дакъар…
– Лагь хьу, арс, акъарив танан баяй.
– ДацIула, танан цанма къа­кIулссарив цала бакI кIачIасса бушиву?

* * *
Оьруснал шяравусса килисалуву кашиш:
– Буси, ттул арс, цур цимурца баллалима, цимурца чIалачIима, цимурца кIулма?
– ЧIаххувщар.

* * *
– Школалий вин яла ххирамур дарс цумурди?
– Мукьилчинмур, муния махъ жу шаппай лагару.

* * *
– Мяммай, зу мюрщиний интернетгу дакъа ци зий би­кIайссияв?
– Жу оьрму бутлай бикIай­ссияв, арс, оьрму…

* * *
– Дадай, инсаннахун мунал цалла къадурмунихлу дяъви буллалаву тIайлассарив?
– Гьай-гьай, къатIайлассар.
– На дарсру къадав…