Диктантру чирчуну дур ва кьини оьруснал ва татарнал мазурдийгу. Дагъусттан Аьрасатнал билаятрай яла чIявуми мазру бусса регион бухьувкун, хIукму бувну бур лакку мазрайссагу чичин. Ва давриву бутIа бивхьуссар, гьай-гьай, Ивановскаллал областьрал Культуралул ва бюхъу-бажарданул центрданул сопредседатель, лаккучу, МахIаммадрасуллул арс Всеволод Кьурбанов ушиву. Ванал мархри Бярнихассар, цувагу даву ххуйну кIулсса юристри. Цува заллусса «ЮристЪ» тIисса компания хIасул дурну зий уссар.
«Каспий» тIисса цIанилу кIа ялув кIицI лавгсса Центр хIасул дайминнавух гьану бивзумагу, хъар ларсун нанимагу цува Всеволодри. Лакку мазрайсса диктант ккалайгу ва цува ия.

Найбунува бусанна, «Иваново.Вести» тIисса телевидениялул сюжетрай навагу Всеволодлул диктантрах вичIи дирхьушиву ва опыт бусса диктор куна, хъинну ххуйну ккалай ивкIшивугу.

Диктантрал хIакъираву ванал цала укун бувсунни: « Диктант чичин язи бугьарду халкьуннал шаэр Расул ХIазатовлул ниттил маз аваданшиву, хъус-ххазина хъанахъишиву бусласисса текст. Шаэрнал яру мазрай чивчусса ва текст ялар цайми мазурдийн таржума бувссагу. Ванал гьамин ниттил мазрай чивчусса текст язи бугьавривугу дуссар ххуйшиву. Ва ялагу, Расул ХIамзатовлул творчество чIяву миллатирттал литературалул лишанни. Ивановолийсса Миллатирттал къатлул вакил Гульнара Шакировал увкусса куццуй, вайннал мурад бия миллатирттал мазурдил пасихIшиву ккаккан дуван. Диктант чара бакъа так, лакку маз кIулминнал чичин аьркинссар тIисса ишгу бакъая. Циняв миллатирттал мазурдил хIурмат бушивруцIун, ми мазурдих вичIи дишинсса сант дия. Алфавитрая хавар ласун. Диктант чирчунни Ивановскаллал областьрайсса Дагъусттаннал хъаннил комитетрал вакилтурал, Конголул агьулданул ва оьрус миллатрал инсантурал. Вайннан лакку хIарпру зумух ласун лавхьхьуссар. Гьаннайсса, мазрайхчин жула билаятрал культура цукун авадансса ва жура-журасса дуссарив ккаккан бувансса ххуллийсса давугур. Лакку мазрайхчин лакрал дакIничIансса ххуллу ласунсса. Мукун хьугу хьунни. Цава ца текст личIи-личIисса мазурдий чивчунни. Мазру жура-журассар. Ватанмур цар».