Ислам МахIачевлул 4-чин дуруччинтIиссар куклумур чурххал кIушиврий UFS-рал лигалул чемпионнал цIа. Дунияллийх цIа дурксса Дагъусттаннал ию цIунилгу октагондалийн уккантIий ур январьданул 19-нний хьхьунил чIумал Лос-Анджелес шагьрулий.
Ва «клеткалуву» хьунаакьинтIий ур цана хъинну кIулсса, цува ганаяр 5 шинал хьхьичIгу ххув хьусса, Армен Царукяннущал. Га бияврияр махъ арманинал спортсменнал 10 ияву дурну дур UFS-рал лигалул даражалий, миннува 9-нниву ххув хьуну ур.
Ислам UFS-рал даражалий 14-ла ивну, цинявнний ххув хьуну ур.
ХI. АЬДИЛОВ
