Аьрасатнаву гьарца шинал сентябрьданул 3-нний кIицI лагайссар Терроризмалущалсса талатаврицIунсса цашиврул кьини, 2004-ку шинал Бесланнай хьусса апатIсса иширттацIун дархIуну. Лакрал райондалул шяраваллавугу дакIнин бувтунни ванияр 22 шинал хьхьичI хьусса оьзру.

Гъумук Центральный библиотекалий хьунни му лухIи кьинилул тарихрацIун дархIусса батIаву. Му дунни библиотекарь ПатIимат ЛухIуевал. ОьрчIалмур библиотекалий хIадур дурну дия ва кьинилун хасъсса экспозиция.
ШавкIрав шяраваллил библиотекалул ва школалул цачIуну дурсса батIаврий математикалул учитель Гульназ Учуевал бувсунни тай бала-апатIсса гьантрая, оьрмулул хъуниминнай ва дуклаки оьрчIай тай гьантрай бувсса зулмурдая. Школалул 7-мур классрал дуклаки оьрчIал дурккунни ва темалийн дагьайсса назмурду.

Ххюлусмав мукунма шяраваллил библиотека ва школа цачIуну дунни му кьинилун хас дурсса батIаву.
ВицIхъиял махIлалийсса ЧIарттал шяравугу хьунни вара журалул батIаву.
ДакIнин бутан, тай иширттаву оьрмулуцIа хьуссар 333 инсан, 783-ннайн дирссар щавурду.