Хъуннасса ххаришиврущал къулбас дував Дагъусттаннал Журналистикалул кьини сакин даврил хIакъиравусса указрай. Ва кьини хьхьичIра-хьхьичI кIицI дувантIиссар 2027 шинал февральданул 27-нний.

Дагъусттаннан журналистика – укунмасса пиша бакъар. Ва бур властьрал ва жяматрал дянивсса гъалгъа (диалог), жагьилсса автортурал цаятува баян буван бюхъаву ва культура ва ниттил мазру ябансса ярагъ. Дазул кьатIувсса жула ватанлувтуран СМИ хъанахъиссар буттал къатлущалсса дахIавуну.
ЦIусса байран кьини мукунна хъанахъиссар цала бурж бартбигьаврин дакI тIайлашиврий ливтIусса журналистътурал аьпа абад баву.

ЗахIматсса 1999 шинал ва 2000 шинал дайдихьулий республика яргсса журналистътурал сообществалул вакилтурацIа хьуссар. Миннавух бивкIссар МахIаммадсалихI Гусаев, Загьир Арухов, Гьарун Кьурбанов, ХIажи Абашилов, Илияс Шурпаев ва цаймигу. Миннал цIарду муданна личIантIиссар Дагъусттаннал тарихраву.
ХIакьину ва чувшиврул эстафета СВО-лий гихуннайгу дачин дурну бур передовойлий зузисса аьралий корреспондентътал, тикку хъанахъисса иширттал хIакъираву балжимур чичаврил, бусаврил цIаний цивппа оьрмурдацIа хьуншиврийн нигьачIаву дунугу.
Ттулгу дуссар журналистикалущалсса дахIаву, 1989 шинал «На земле Починковской» тIисса Нижегородуллал областьрал кказитрай «Доброта» тIисса макьалалухлу на ларсъссар цалчинмур гонорар. На пахрулий ура мукун байбишаврия ттула захIматрал ххуллу.
ДакI дарцIуну ура Дагъусттаннал журналистикалул хьхьичI чIярусса яргсса страницарттугу, цIусса цIардугу, мяъна дусса проектругу дикIантIишиврий.
Усттарсса мукъул зузалтран чIа тIий ура даврихсса шавкь, гъира ва хьхьичIуннайшивуртту!

Федор Щукин