Ноябрьданул 7-нний Дагъу­с­ттаннал бакIчи Федор Щукин хьунаавкьунни АьФ-лул Федерал Собраниялул ПаччахIлугърал Думалул Дагъусттаннал ккаккан бувсса депутатътуращал.

Хьунабакьаврий республикалул каялувчинал бувсунни федерал законодатель органдалуву Дагъусттаннал мурадру буручлай бушиву хIурмат лавайсса ва даврил опыт бусса, региондалул чул буруччин бюхъайсса, инсантурал тIутIимур баяйсса инсантал.
Вана хIакьинува депутатътал лабивзунни цаппара сиптардащал. Яла гъансса чIумал ми сиптарду ххал дигьин тIий дур, ва мукунна ккаккан дантIий дур ми бартдигьаврил механизмарду.

ЛичIинурасса къулагъас дурунни Аьрасатнал Федерациялул ПрезидентначIасса Дагъусттан Республикалул вакилханалул даврих. Федор Щукиннул тIимунийну, ва вакилхана хьун аьркинссар цачIу зунсса тIиртIусса площадкану. Масалдаран, Госдумалул депутатътураща бюхъанссар шикку дуллан агьамнащалсса хьунабакьавуртту.

Республикалул бакIчинал бакIрайн лавсунни ДР-лул паччахIлугърал властьрал органнал чулуха кабакьлантIишиву депутатътурацIун.
«Хъинну къулагъас дулланна парламентарийтурал масъалартту бартбигьаврил давурттах. Цинявннал хьхьичI масъала цари бусса –Дагъусттаннал лябукку. ПаччахIлугърал Думалул депутатътурал республика ккаккан дуллай бур федерал даражалий, ва хъунмурчIин миннал даврийн хъарну бур Москавлив Дагъусттаннал чIу цуксса лахъну баллантIиссарив.
ДакI дарцIуну ура миннал тIайла дантIишиврий халкьуннал вихшала», – увкунни Федор Щукиннул.