ХIурмат лавайсса дагъусттанлувтал!

Къуртал хьунни бувчIавур­ттацIун дархIусса давурттал жаваблувсса шанна кьини. ХIакьину жура дуллай буру миннул хIасиллу.

Дагъусттаннай ПаччахI­лугърал Думалувунсса бувчIавурттай гьуртту хьунни сайки 91, 69 % агьалинал, Халкьуннал Мажлисравунсса бувчIавурттай – сайки 91,57% агьалинал. Ва куццуй чIявусса халкь бувчIавурттавух хIала буххаву Дагъусттаннай аьдатравун багьсса иш бур. Жула инсантурал иширайну ккаккан буллай бур жува Верховный Главнокомандующий Владимир Владимирович Путиннул язи бувгьусса ххуллийн дакI тIайлану бушиву.

Амма яла агьаммур – му хъуннасса кредитрайнусса вихшалар республикалул цIусса управлениялул командалухьхьун дуллусса, жува, властьрал органнал вакилтал ва бувчIусса депутатътал, буржлувссару му вихшала хIалал дуван балжисса хIасиллайну ва лажин кIялану дуллалисса давурттайну.
Республикалул ялапарлувтурал умуд бур цIусса каялувчитурацIун бунияласса дахханашивуртту хьуншиврийн, каялувшиву ххуй-хъин шаврийн ва ттинин салкьи хьусса масъалартту дузал хьуншиврийн.
Барчаллагь цачIун шаврихлу ва Ватандалийн дакI тIайлану бушиврухлу!