Вай гьантрай цаппара СМИ-лул сайтирдай, масалдаран, «Дагестан» РИА-лул сайтрай, бур февральданул цалчинмур декадалул мутталий цаппара дукиялул багьри ххира хьушиврул хIакъиравусса информация.

Му идаралул ккаккиярттайн бувну, яла ххира хьумур дукия хъанай дур оьлил дикI, февральданий ­оьлил дикI ххира хьуну дур 1,1 процентрал. ЦIанасса оьлил дикIул багьагу бусса бур 635 къурушран ца кило. Амма иширайну, цIусса шиная тIайла хьуну, оьлил дикIул багьа базаллуву бия 650 къурушран кило. ЦIана тIурча, 680 къурушран кило дусса кIанттурдугу бур, масалдаран, ХIажи-Булачлул кучалийсса «Оптовик» ттучандалий. Цаппара супермаркетирттаву оьлил дикIул багьа бур 700 къурушран кило, масалдаран, «Зеленое яблоко» супермаркетраву.
Чун буругайривав багьрал хъирив бавцIуми?

ХIасан Аьдилов