Ва ххуллий хъуннасса даву дуллай бур региондалул аграр идаралул. Тагьарданул ялув авцIуну ур ДР-лул шяраваллил хозяйствалул ва бакIлахъиялул министр Иван Голуб.
Ва давриву дур укунсса захIматшиву: хъацIру левххун бучIайсса бур тIабиаьт ядаврил зонардая (из природоохранных зон) ва заповедникирттава. Тикку закондалийну химиялул дарув ишла баврий къадагъа дусса дур. Тай зонардая хъуцIурдил гьухъала лерххун цайми кIанттурдайн дуркIувкун, дайдишайссар миннущалсса талатаву. Микку зий бур аьрщарайсса техника ва авиация. Ва куццуй бюхълай бур мюнпат буну хъацIру бухлаган бан.
Пишакартурал ва оперштабрал цила чIумал давуртту дайдишаврийну Тарумовскаллал райондалий духлаган дурну дур хъуцIурдил хъуннасса гьухъала. Авиациялул ва аэрозольданул генераторданул кумаграйну дарув бивщуну бур Александро-Невское шяравалличIасса 500 гектар аьрщарайх.
ДР-лул Шяраваллил хозяйствалул ва бакIлахъиялул министерствалул зузалтрал маслихIат буллай бур, хъацIру ккаккарча, баян бувара тIий районнал шяраваллал хозяйствалул управлениярттайн ва республикалул хъуцIурдищалсса талатаврил штабрайн.

ХI. Аьдилов